Deputeti dhe kryetari i Aleancës për shqiptarët Zijadin Sela po dyshon koka të partive politike maqedonase, por edhe shqiptare janë të involvuar në skenarin për vrasjen e tij në Kuvend natën e 27 prillit.
Ai nuk ka përmendur emra, por nga deklarata e tij, prejudikimet çojnë në dyshimet se kush mund të jenë kokat e dyshimta që janë pjesë të partive politike dhe që janë të implikuara në linçimin në Kuvend.
Sela tha se pas sulmit të tij ekziston një skemë e organizuar nga politikanë dhe parti politike. “Pikerisht, këtë rrethanë duhet hetuar nga prokurorët dhe qjykata”, tha Sela para mediave.
Ai pranoi se ka njohur disa nga personat që kanë qenë të pranishëm në Kuvend me 27 prill.
,,Nuk është lehte te ballafaqohesh me vdekjen. Jo vetem qe unë përjetova këtë, por edhe familja ime, bashkëshortja ime dhe tre femijet e mi u ballafaquan me këtë.”, tha Sela. Por, ai kërkon që institucionet hetimore të zgjerojnë pistën e hetimeve dhe të përgjojnë biseda e detaje të tjera që mund të çojnë në zbardhjen e pretendimeve të tij. (INA)
