BFI-Myftinia e Strugës me vakëf të ri në Llabunishtë.
Sot më 16.07.2019 u përfundua procedura administrative juridike e kontratës së shitblerjes mes BFI-së në R.M.V dhe SH.A.N.M. Kontrata u nënshkrua mes Myftiut të Myftinisë së Strugës Mr.Salim ef Sulejmani- i autorizuar nga Reisul ulema h.Sulejman ef. Rexhepi në cilësinë e blerësit, dhe përfaqësueses të Shoqatës Akcionare për Ndërtim dhe Menaxhim me hapsirat banesore dhe afariste me seli në Ohër- znj.Jehana Sulejman nga Ohri në cilësinë e shitësit. Ky objekt tanimë vakëf me sipërfaqe 82m katror, ndodhet përball xhamisë së poshtme të f.Llabunishtë. Myftinia e BFI-së të Strugës shpreh falenderim të vecantë ndaj Reisul ulemas h.Sulejman ef.Rexhepi për kontributin e dhënë, ndaj këshillit të xhamisë së poshtme të f. Llabunishtë për kontributin e dhënë, xhematin e mrekullueshëm të f. Llabunishtë si dhe z. Xhevat Iseni nga Shkupi për kontributin e dhënë. Shpresojmë në sukseset e radhës të BFI-së për mirëqenjen e besimtarëve të këtij nënqielli…AMIN.
BFI,Myftinia-Strugë
