Thursday, April 3, 2025
Nabizi KUPA Gega
789184-C9-03-B5-41-CF-9-D59-B2523658-B380
1ab55e5d-f5c3-470d-bec1-df1777c5234e
HomeKosovëAutobusi me targa të Kosovës që u rrokullis në Serbi ishte nisur...

Autobusi me targa të Kosovës që u rrokullis në Serbi ishte nisur drejt Austrisë (VIDEO)

Një autobus me targa të Kosovës është rrokullisur në Serbi. Mediat serbe atje raportojnë për 17 të lënduar. Nga informacionet e deritanishme asnjë nga të lënduarit s’është në rrezik për jetë. Autobusi ishte nisur drejt Gracit, shkruan Express.

Rreth orës 9:45, autobusi i kompanisë turistike “Zhitia Tours” është rrotulluar në Krushevc të Serbisë. Sipas kompanisë, shkak i i rrokullisjes së autobusit kanë qenë vështirësitë në rrugë.

Në këtë aksident, të lënduar mbetën 17 persona. Fatmirësisht, asnjë nga ta nuk është në rrezik për jetë, raportojnë mediat serbe.

Autobusi në targa të Kosovës ishte nisur nga Prishtina drejt Grazit të Austrisë.

Ekipi i ambulancës ka mbërritur në vendngjarje dhe deri tani disa persona janë transportuar në Spitalin e Krushevcit.

Pasagjerët që nuk pësuan lëndime vazhduan rrugëtimin e tyre me një autobus tjetër që u erdhi në ndihmë.

Gazeta Express ka siguruar pamje të vendit të ngjarjes. Aty shihet se xhami i përparmë është thyer, nga ku besohet se kanë arritur të dalin të mbijetuarit e aksidentit.

AS-Event
REKLAMONI KETU! REKLAMONI KETU!
AS-Event
RELATED ARTICLES

Most Popular

Recent Comments