Aleanca për Shqiptarët përmes një konference me gazetarët ka shprehur reagimin e saj lidhur me një vjetorin e qeverisjes aktuale.
Zëdhënësi i kësaj partie, Flakron Bexheti tha se Qeveria LSDM –BDI e cila e nisi rrugetimin e vetë si Qeveri Reformatore, nga qytetarët u prit е si Qeveri shpëtimi, që do siguronte kushte normale për jetë më të dinjitettshme, mbase edhe kishte një fillim të sukseshëm që premtonte ardhmëri më të mirë .
“Një fillim i mbarë, kur në qeverisje merrte pjesë edhe Aleanca për shqiptarët, ishte shpresëdhënës edhe për shqiptarët. Tani më, në rrumbullaksimin e një vjetorit të kësaj qeverisjeje, si duket, shpresa për suksese, si rezultat i premtimeve në fusha të ndryshme të shoqërisë po shuhet.”, nënvizoi Bexheti.
Me këtë rast, Aleanca për Shqiptarët vlerëson se kjo qeverisje dështoi në shumë plane të premtimeve parazgjedhore, duke i radhitur më poshtë:
• Zhagitja e hyrjes në fuqi e Ligjit të Gjuhës shqipe, që ishte projekti më serioz i Mrrëveshjes së Ohërit dhe mosgatishmëria e Kryetarit të Parlamentit ta shpall ate në Fletën zyrtare, dëshmoi se BDI,nuk ka kapacitete të plota qeverisëse.
• Mos përfillja e Partive shqiptare opozitare për cështjen e emrin në tryezën e liderëve, per Zgjedhjen e Kontekstit të emrit të Maqedonisë, dhe përfaqësimi i shqiptarëve vetëm nga BDI që sipas rezulltateve të fundit zgjedhore nuk e përfaqëson shumicën e shqiptarëve.
• Dështimi në Reformat e sistemit të drejtësisë.
Zgjedhja aq e pritur e Prokurorit Publik dështoi që në fillim. Puna e parë e Prokurorit Publik ishte rikualifikimi i veprës penale për rastin e Almirit, nga vrasje me paramendim, në një incident të thjeshtë komunikacioni.
• Zgjedhja e disave nga kryetarët e Gjykatave themelore, nga Këshilli gjyqësor republiKan, ishte me ndikim politik të LSDM dhe BDI, sepse zgjodhën kuadro të afërt më këto dy subjekte politike, ashtu siç vepronte VMRO-BDI gjatë qeverisjes paraprake.
• Këshilli Gjyqësor republikan,në asnjë mënyrë nuk e garanton pavarësinë e gjyqësorit, po e pengon edhe më shumë autonominë e tij , konstatim ky që u vërtetua edhe nga raporti i Pribesë.
• Mosndëshkimi i gjykatësve, prokurorëve, dhe inspektorëve të policies, që kanë montuar procese politike me dënime maksimale siç është rasti i Sopotit, i Monstres si dhe heshtja e vazhdueshme për ta zbardhur rastin e Kumanovës.
• Dinamika e ngadalshme e procesuimit të lëndëve të ndryshme për vepra penale që janë hapur nga Prokuroria Publike Speciale.
• Dështimi i Këshillit për reforma në drejtësi, që u dëshmua edhe nga dorëheqja e disa ekspertëve të kësaj fushe.
• Mosndëshkimi i disa zyrtarëve të BDI-së që kanë qenë pjesë e qeverisjes me VMRO për të cilët ka dyshime për vepra të ndryshme penale, korrupcion, krim të organizuar dhe falsifikim zgjedhor.
Disa nga këto vërejtje u theksuan edhe në raportin e progresit për Maqedoninë.
Këto ishin vetëm disa nga vërejtjet që i pengojnë reformat e premtuara në sistemin e drejtësisë.
