Koronavirusi po vazhdon të përhapet me shpejtësi në Itali. Tre viktima dhe më shumë se 152 persona të prekur janë shënuar në Itali, duke krijuar një situatë alarmante. E gjithë kjo e shkaktuar nga Koronavirusi.
Ky virus po prek edhe botën e futbollit. Shumë ndeshje janë anuluar në Serie A gjatë xhiros së 25-të, dhe ngjashëm mund të ndodh edhe në xhiron e 26-të, kur luhet derbi kryesor, Juventus – Inter. ‘Tuttosport’ shkruan se ndeshja mes Juventus dhe Inter mund të luhet pa tifozë, transmeton lajmi.net. Kjo ndihmon në parandalimin e përhapjes së Koronavirusit.
Piemonte, regjioni ku shtrihet edhe Torino, vendi ku luhet derbi, është një nga më të prekurit me këtë virus.
Kujtojmë se për xhiron e 26-të të Serie A deri më tani është anuluar zyrtarisht vetëm një ndeshje. Udinese – Fiorentina është shtyrë për datë të pacaktuar.
