Mijera te pranishëm shqiptar por edhe australian erdhën sot ne Xhaminë Shqiptare ne Melburn per t’i dhene lamtumiren e fundit çiftit Musai ose çiftit engjëllor siç u quajt nga mediat Australiane gjate ditëve të fundit.
Veton Musai ishte i punesuar ne Banken Kombetare Australiane dhe ishte djali i ish-kryetarit te Shoqates se Komunitetit Shqiptar ne Australi, Alil Musai, me origjine nga Struga e Maqedonise se Veriut. Vetoni ishte nje Shqiptaro Australian tipik, i dashur, i rrethuar me miq te shumte, me pasion per futbollin dhe AFL (Ligen e Futbollit Australian).
Per Linditen nje vajze me zemer te madhe, shoqet e punes thone se ishte “vajza me e bukur,” “gjithmone buzeqeshur” dhe “e dhembshur per te tjeret”.
Mesazhet e ngushellimeve per familjet e prekura nga kjo tragjedi nuk pushuan se ardhuri jo vetem nga komuniteti shqiptar qe eshte tronditur thelle nga kjo ngjarje, por edhe nga anetare te komunitetit te gjere Australian. Shtepia e familjes Musai gjate diteve te fundit priti vizita ngushellimi per qindra anetare te njohur e te panjohur qe nuk nguruan t’i qendronin prane prinderve dhe anetareve te tjere te familjes.
Çifti i cili sapo kishte festuar pervjetorin e pare te marteses, u qellua me arme nga babai i Lindites, Osman Shaptafaj, 55 vjecar, i cili me pas u mundua te vrase vehten. Ai u gjet jo larg nga vendi i krimit me plage nga arme zjarri ne koke.
Ai emigroi ne Australi nga Ulqini i Malit te Zi dhe tashme ndodhet i shtruar ne spital ne gjendje kritike dhe nen mbrojtjen e policise.
Policia eshte ne pritje per te marre ne pyetje te dyshuarin me qellim identifikimin e arsyeve te mundshme qe e shtyne drejt ketij krimi. Policia nuk kerkon asnje te dyshuar tjeter ne lidhje me krimin.
Ajo qe dihet eshte se autori i vrasjes ka kohe qe jeton i izoluar dhe ne gjendje te rende mendore.
