Dje në mbrëmje te varrezat e qytetit të Strugës janë shkatërruar rreth 15 llamba nga persona të panjohur duke treguar huliganizmin e egër,shkruan Struga Ekspres.
Ja reagimi i myftinisë së Strugës:
Reagim nga Myftinia e BFI-së në RMV- Strugë.
Më datë 09.06.2019 në orët e vona të natës rreth orës 22-23°°, një grup huliganësh demolojnë mbi 15 llambat ndriçuese tek varrezat muslimane të qytetit të Strugës. Nuk është hera e parë që huliganët e këtij lloji dëmtojnë varrezat muslimane të Strugës. Myftinia e Strugës dënon ashpër këtë akt të shëmtuar të këtyre uliganëve që herë pas here përsëritin këto veprime të ulëta, të shëmtuara dhe dashakeqe. Kërkojmë nga organet e rendit të marrin masat e duhura dhe sa më shpejtë të zbardhet ky rast tanimë i shumëpërsëritur, i cili prek thellë ndjenjat e muslimanëve të këtij nënqielli dhe dëmton Myftinin e Strugës ekonomikisht duke riparuar saherë që këta keqbërës dëmtojnë varrezat- vakëfin e muslimanëve të Strugës. Apelojmë në të njëjtën kohë tek besimtarët muslimanë të Strugës të ruajnë gjakftohtësinë, sepse Myftinia e Strugës në bashkëpunim me organet e rendit do të bëjnë përpjekje për zbardhjen e rastit sa më shpejtë.
(Struga Ekspres)
