Me urdhër të prokurores për krim të organizuar Vilma Ruskovska, mëngjesin e sotëm është arrestuar sekretari shtetëror në Ministrinë për shoqëri informatike, J.Jahiu.
Jahiu dyshohet për keqpërdorim të detyrës zyrtare në marrjen e provizionit nga një tenderi i fituar.
Jahiu është kuadër i BDI-së. Për momentin sektori për krim të organizuar dhe korupsion po kryen bastisje në hapësirat e ministrisë.
Sipas dëshmitarëve J.J nga Kumanova është arrestuar në orët e hershme të mëngjesit, ndërkohë që policia ka qëndruar në shtëpinë e tij për të kryer bastisje.
Sipas informatave të portalit SDK, bëhet fjalë për mito prej dhjetëra mijë eurove, të cilat J.J i ka marrë në mënyrë të paligjshme gjatë viti 2014-2015.
Jo zyrtarisht për këtë funksionarë të BDI-së, Prokuroria do të kërkojë paraburgim.
