Një person ka vdekur dhe dy të tjerë kanë marrë lëndime të rënda trupore në një aksident trafiku që ndodhi sot pasdite, rreth orës 15:00 në rrugën kombëtare A2, Kumanovë – Kriva Pallankë afër vendkalimi kufitar Deve Bair.
Aksidenti ka ndodhur kur shoferi i makinës që po udhëtonte nga vendkalimi kufitar Deve Bair, goditi një kamion mallrash që po qarkullonte në drejtim të kundërt.
Shoferi i makinës vdiq në qendrën shëndetësore “Dimitar Arsov” në Kriva Pallankë ndërsa dy të lënduarit janë transferuar në qendrën emergjente në Shkup.