Infermieret konsiderohen si kujdestare në spital dhe pacientët duhet të ndihen të sigurt dhe të kujdesen për ta. Megjithatë, disa infermierë kanë provuar se jenë djalli në formë njerëzore. E tillë mund të cilësohet edhe Elizabeth Mwewa, e cila në harkun kohor të 12 viteve ka shkëmbyer 5 mijë bebe me njëra-tjetrën dhe se këtë gjë e ka bërë për argëtim.
Ngjarja e tmerrshme ka ndodhur në Zimbabve, ku infermierja e sëmurë tashmë me kancer ka rrëfyer mëkatin e saj dhe i kërkon falje Zotit.
“Unë kam kancer dhe e di që do të vdes shpejt. Dëshiroj të rrëfej mëkatet e mia para Zotit dhe para të gjithë njerëzve të prekur, sidomos atyre që kanë lindur në ‘University Teaching Hospital’ (UTH) gjatë shërbimit tim”, tha ajo.
“Nuk kam asgjë për të fshehur. Në 12 vitet që kam punuar në repartin e lindjes në UTH, shkëmbeva afërsisht 5000 foshnje,” rrëfeu ajo.
Mwewa shtoi se iu bë zakon ky krim dhe e bënte për argëtim. Tashmë kërkon faljen e njerëzve dhe të Zotit.
Mwewa gjithashtu shtoi se fëmijët e lindur midis 1983 dhe 1995 në spital , duhet të kontrollohen, veçanërisht nëse duken ndryshe nga vëllezërit e tjerë të tyre. “Nëse keni lindur në UTH ndërmjet viteve 1983 dhe 1995, shanset janë që prindërit që ju rritën, të mos jenë prindërit tuaj biologjikë”, tha ajo./tch
