I fiksuar pas bixhozit, vë në lojë djalin e tij dhe e humb. Është kjo ajo që ka ndodhur në shtetin indian të Bihar në Indi, ku një burrë pasi humbi të gjithë pasurinë e tij në bixhoz, vendosi që të vërë bast edhe djalin e tij. Por fati nuk ishte me të, duke bërë që të humbë edhe të birin. Lajmi raportohet nga mediat lokale, por pa specifikuar se për çfarë loje bëhet fjalë.
Babai i fëmijës vjen nga një fshat i vogël, është një njeri i varfër i cili prej kohësh kishte krijuar varësi nga bixhozi. Rivali i tij, Ram Bhajan Sah, e mori nën sqetull fëmijën për ta marrë me vete, por në atë moment burri kuptoi se çfarë kishte bërë, duke protestuar dhe refuzuar që ta lërë djalin.
Në këtë moment banorët e fshatit u ndanë në mes, ata që e cilësuan të ligjshëm bastin dhe të tjerë që donin rikthimin në familje të të miturit. Çështja përfundoi në gjykatë dhe babai që vuri në lojë djalin u dënua me 50 pompa dhe rivali i tij me 25. Pas përballjes në gjyq, dy burrat bën paqe.
