Një gazetë e Zvicrës ka raportuar për një kosovar që 11 vjet kishte mashtruar shtetin duke fituar hiç më pak se gjysmë milioni euro.
65 vjeçari kishte mashtruar shtetin duke u shtirë si i paaftë për të punuar, dhe kjo gjë u zbulua tek tani.
Punëtorët e Institutit të Sigurimeve Shoqërore Aargau (SVA) e kishin vizituar Jetonin, dhe ai qëndronte shtritë në divan në mënyrë patetike. Pyetjeve iu ishte përgjigj i hutuar, aspak apo duke pretenduar se po i flihej.
Të afërmit e tij pastaj deklaruan se gjendja e tij ishte e keqe dhe e pandryshueshme, se ai mezi mund të funksiononte në mënyrë të pavarur, shkruan gazeta zvicerane “Aargauer Zeitung”.
Me këtë gjendje, për 11 vitet e fundit, 65 vjeçari ka marrë fonde si pensionin IV, sigurimin e përditshëm të sëmundjes, fondin e pensioneve, që kapnin një vlerë gati gjysmë milioni euro.
E për këtë, ai ishte paraqitet në gjykatë nën akuzën për mashtrim tregtar. Para kësaj gjykate kosovari ishte arsyetuar se ishte mjeku ai që i kishte thënë se nuk mund të punonte pasi, sipas tij, ai kishte kërkuar ta bënte një gjë të tillë.
Por, në fund, gjykata e kishte shpallur fajtor duke e dënuar me 2 vite burg me kusht dhe me gjobë 4 mijë frangash.
