Zaev ofron amnisti për 27 prillin, nëse VMRO-ja i përkrah ndryshimet kushtetuese

Kryeministri Zoran Zaev, në fillim të seancës së sotme parlamentare ku diskutohet për hapjen e Kushtetutës në pajtim me Marrëveshjen e Prespës, kërkoi që aktorët politikë të dy palëve të kundërta të falin njëri tjetrin për ngjarjet e përgjakshme në Parlament më 27 prill, transmeton Gazeta Lajm dhe Struga Ekspres
“Ejani të falim, hapi i parë të jetë 27 prilli. Atëherë të gjithë ishim cak i mundshëm i indidvidëve të manipuluar, prandaj tani është mundësi e shkëlqyeshme, duke u vendosur bashkërisht për ardhmërinë e Maqedonisë dhe fëmijëve tanë, të falim dhe të pajtohemi. Hajde ana e djathtë e Kuvendit tia shtrijë dorën anës së majtë, hajde kolegë nga ana e djathtë tia shtrijmë dorën anës së majtë”, apeloi Zaev.