Një nga mediat politike më të njohura në Europë, “Politico”, i ka kushtuar në numrin e saj të radhës, karikaturën kryesore në ballinë, zhvillimeve të fundit për një marrëveshje të mundshme mes presidentëve Vuçiç dhe Thaçi, për një “korrigjim kufijsh” mes vendeve të tyre, Serbi dhe Kosovë.
Në karikaturën e realizuar nga Ali Walker shfaqen hartat e Serbisë dhe Kosovës, mbi të cilat secila palë “vizaton” kufij me pistoletë-laps! Mesazhi i goditur duket se ka të bëjë me zhvillimet e fundit, për këtë çështje. Pas një debati të madh jo vetëm në shtetet përkatëse, por edhe në ambientet politike ndërkombëtare, ku palët u ndanë në llogore të ndryshme për të ashtuquajturin plan Vuçiç-Thaçi për shkëmbime territoresh, gjithçka u bllokua ditën e djeshme, kur “papritur” presidenti serb, refuzoi të ulej në bisedën e bisedimeve me presidentit Thaçi në Bruksel.
Plani për vizatime kufijsh të rinj mbi hartat e Serbisë dhe Kosovës, nga shumë kancelari të rëndësishme të Europës si Gjermania dhe Britania e Madhe është konsideruar, si një precedent i rrezikshëm për Ballkanin Perëndimor, i cili mund të çojë në një efekt domino edhe për vende të tjera, si Bosnja apo Maqedonia.
Gjithashtu shumë analistë të njohur politikë në media të mëdha ndërkombëtare, e kanë cilësuar këtë plan si një “Hapje të kutisë së Pandorës” dhe “Ftesë për Luftë!
