Të tjera pamje janë publikuar nga momentet kur makinat e shumta të ambulancës kanë ardhur në fshatin Resulaj për të marrë 8 trupat e pajetë, viktima të dorës së 24 vjeçarit Ridvan Zykaj.
Report tv ka publikuar disa nga momentet kur një autoambulancë ka marrë me vete dy trupa të pajetë.
KUJDES, PAMJE TË RËNDA
Ridvan Zykaj, 24 vjeçar, është autori i vetëm i masakrës me 8 viktima. I riu ka shuar tre familje, përfshi këtu dhe dy fëmijë të moshës minore, Sara Zykën 17 vjeçe dhe Ledjon Zykën, vetëm 9 vjeç.
Fotot e mëposhte janë fiksuar nga kamerat disa minuta pasi tragjedia ka përfunduar. Siç edhe shihet, në oborrin e kësaj shtëpie janë të shtrirë në tokë 3 viktima.
Pozicioni i trupave tregon se i riu nuk i ka vrarë disa nga familjarët në një njëjtin vend, çka nënkupton se krimi i shumëfishtë është kryer në disa pozicione. Ridvan Zykaj ka përdorur një armë automatike dhe nga të dhënat e deritanishme rezulton që të mos ketë patur probleme mendore./Gazeta Express
