Veleshta dhe mbarë Struga u tronditën nga humbja e dy të rinjve dhe bijvë të saj,brenda një dite.
Veleshta ka lot dhe dhimbje pas ditës së hënë, ditës sê “zezë” dhe të kobshme ku një mërgimtar humbi jetën nga aksidenti tragjik në rrugën Strugë-Kërçovë dhe një tjetër u gjend i vdekur në Veleshtë.
Nuk ka dhimbje më të madhe të humbësh dy jetë njerëzish të lidhur nga një trung, dhe që rrapave simbol të Veleshtës u ka sjellë “heshtjen dhe dhimbjen” nga tragjedia e madhe që po përjeton ky vendbanim.Kjo shihet nga shumë banorë të saj të cilët kokëulur dhe me dhimbje në shpirt ndjehen të “vrarë” nga humbja e bijvë të tyre veleshtar.
Ditët e dasmave dhe gëzimeve familjare, fatkeqësisht u kthyen në mort për Veleshtën.
Vahit Nasufi, poeti dhe shkrimtari nga Veleshta mbrëmë gjatë promovimit të tij të romanit “Udhëtim në Labirint” në ambientet e “Poshka Teatër”, ndër të tjera shprehu dhimbjen nga humbja e madhe e dy të rinjve veleshtar, i cili u shpreh se ndjehet i tronditur dhe me zemër të thyer.
(Struga Ekspres)
