Në Komisionin për Zgjedhje dhe Emërime në Kuvendin e Maqedonisë janë bërë të ditura emrat e propozuar nga partitë politike për anëtarë të Komisionit Shtetëror Zgjedhor. Siç mund të shihet nga emrat, anëtarin e opozitës shqiptare e ka fituar Lëvizja BESA.
Nga Lidhja Social Demokrate e Maqedonisë (LSDM) si anëtarë janë: Radica Risteski, Janakie Vitanovski dhe Borçe Kondarko.
Nga VMRO-DPMNE-ja si anëtarë janë: Oliver Derkoski dhe Elizabeta Postollovska.
Nga Bashkimi Demokratik për Integrim si anëtare është Ditmira Shehu.
Kurse anëtari i opozitës shqiptare i ka takuar Lëvizjes BESA që do të përfaqësohet nga Enver Saliu.
Me publikimin e emrave për anëtarë të KSHZ-së hidhen poshtë mundësitë për ndryshime ligjore të Kodit Zgjedhor dhe zbatohet marrëveshja e arritur në takimin e liderave./TopAlNews
