Pas një aksidenti komunikacioni që ndodhi mbrëmë në bulevardin “Serbia” në Shkup, shoferi i një automjeti taksi vdiq, ndërsa një person është lënduar më rëndë.
Aksidenti ka ndodhur rreth orës 01:25 kur një automjet i markës “Audi A4” i drejtuar nga GJ.D (28) është përplasur me një automjet “Peugeot 207” i drejtuar nga A.M (60) nga Shkupi , ndërsa pastaj përmes pjesës me bar që ndan korsitë ka kaluar në drejtimin e kundërt dhe është përplasur në gardhin e një pompe benzine dhe automjetin taksi “Škoda Octavia” i drejtuar nga T.J (58) nga Shkupi.
Pas aksidentit, “Audi” është përfshirë nga zjarri dhe është djegur tërësisht. Me këtë rast ka intervenuar edhe ekipi nga Brigada Zjarrfikëse Territoriale e Qytetit të Shkupit.
Lëndime të lehta trupore, gjegjësisht fraktura në gjunjë kanë marrë B.M (21) nga fshati Sopisht i cili ka qenë bashkudhëtar i Gj.D.
