Këshilli i Familjarëve të rastit Lagja e Trimave, bashkë me Shoqatën e të Burgosurve dhe te Përsekutuarve Politik, OVL UÇK dhe përfaqesues të disa asociacioneve të tjere nesër do të organizojnë një protestë kundër dënimeve drakonike nga gjyqet për të cilët disa institucione relevant ndërkombëtar kanë deklaruar se janë të partizuar.
Sipas disa mediave mësohet se protesta do të pëkrahet edhe nga dy partitë politike shqiptare Lëvizja BESA dhe Aleanca për Shqiptarët.
Agjencia INA mëson se Kryetari i Shoqatës së të Burgosurve Politik, Shpëtim Pollozhani të premten pas mesditë ka realizuar një takim me përfaqësues të Lëvizjes BESA në restorantin Tivoli në Shkup. Pjesë e këtij takimi ishin, Zeqirja Ibrahimi, Afrim Gashi si dhe disa përfaqësus të Lëvizjes BESA.
