Syrija Rashidi, deputet nga Aleanca për shqiptarët ka drejtuar disa pyetje në adresë të kryeministrit Zoran Zaev, mes së cilës edhe ajo për ndryshimet e fundit në Qeveri.
“Pyetja ka të bëjë me ndryshimet e fundit qeveritare, a bërët riformatim apo plotësim të vendeve të zbrazëta dhe ku është dallimi sipas jush mes këtyre dy nocioneve”, ka pyetur Rashidi, njofton Medial.mk.
Ai ka shtuar se Zaev duke apostrofuar persona të caktuar si kriminel nga siç tha “binomi” VMRO- BDI para zgjedhjeve, “tanimë gjithçka ndryshoi, zgjedhjet përfunduan dhe ju dolët në fushatë për të mbështetur ato persona dhe për të bërë thirrje për t’u votuar”.
“Qytetarët pyesin se çka në ndërkohë ndryshoi z. Zaev, ndryshuan ata apo ju”, ka qenë pyetja tjetër e Rashidit të ASH-së drejt kryeministrit Zaev.
