Pothuajse qindra qenë endacak po lëvizin në Strugë në çdo cep të saj.
Lexues nga Struga deri te Struga Ekspres dërgojnë këto foto duke u shprehur të shqetësuar për prezencën e madhe të qenve endacak të cilët shihen kudo në qytet dhe se rrezikojnë qytetarët e Strugës nga sulmi dhe kafshmi i tyre, shkruan Struga Ekspres.
“Komuna e Strugës të merret seriozisht me çështjen e qenve endacak të cilët janë me qindra të tillë në Strugë,ne rrezikojmë shumë nga sulmi i mundshëm dhe kafshimi i tyre, fëmijët çdo ditë ndeshen me këto qenë endacak, ata ndjehen të frikësuar “,shprehen qytetarët strugan.
Qytetarët strugan shtrojnë pyetjen se a duhet të ndodhin sulme të qenve endacak si këto ditê në Shkup që institucionet të marrin masa në Strugë.Megjithatë edhe në Strugë janë paraqitur shume raste nga qytetarët që janë sulmuar dhe kafshuar nga qentë endacak.
Kujtojmë se kohë më parë disa qytetar kanë parë një kamion me targa të Ohrit përplotë me qen të cilët i lëshonin në Strugë.Ky problem madhor që ka Struga,është një plagë e vjetër për qytetin.(Struga Ekspres)
