Vrasesi i shtate personave lirohet nga burgu.
Adriatik Coli, një ndër anëtarët e “Bandës së Durrësit”, është liruar nga burgu.
Ai ishte dënuar me burgim të përjetshëm për shtatë vrasje në vitin 2006.
Por, Coli ka përfituar zbritje të dënimit, për shkak se bashkëpunoi me drejtësinë dhe bëri të mundur kapjen e 16 anëtarëve të tjerë të kësaj bande, dhe vërtetimin e akuzave për ta.
Coli u dënua për këtë arsye me vetëm 10 vite burg.
Ai ka ndryshuar identitet tashmë dhe mësohet se pas përfundimit të burgut, është larguar për të jetuar jashtë Shqipërisë.
