Një vajzë 15-vjeçare nga Shkupi ka tentuar t’i japë fund jetës, pas një periudhe të gjatë dhune psikologjike dhe fizike që, sipas raportimeve, është ushtruar nga babai i saj ndaj saj, motrës 18-vjeçare dhe nënës së tyre.
Prokuroria Themelore Publike në Shkup ka nisur procedurë ndaj një 56-vjeçari, i dyshuar për veprën penale “Rrezikim i sigurisë” sipas Kodit Penal.
Sipas njoftimit, i dyshuari për një kohë të gjatë ka ushtruar dhunë dhe sjellje agresive ndaj bashkëshortes dhe dy vajzave të tyre. Për shkak të frikës, familjarët nuk e kishin raportuar më herët rastin, derisa situata ka eskaluar, duke çuar në tentativën e vetëvrasjes nga 15-vjeçarja, e cila nuk ka mundur të përballojë më presionin, kërcënimet dhe fyerjet e vazhdueshme.
