Nesër në orët e hershme të mëngjesit pritet të ndërhyhet nga ajri për shuarjen e zjarrit që ka përfshirë zonën mbi malin e Frëngovës, Fierishtës dhe Ladorishtit, mëson Struga Ekspres.
Sipas informacioneve paraprake, autoritetet kanë planifikuar angazhimin e mjeteve ajrore për të ndihmuar ekipet në terren në përballjen me flakët, të cilat po përhapen në një terren të vështirë malor. Ndërhyrja nga ajri pritet të nisë në mëngjes,rreth orës 09:00 kur kushtet atmosferike janë më të favorshme për operacionet e shuarjes së zjarrit.
Autoritetet u bëjnë thirrje qytetarëve të qëndrojnë larg zonës së prekur dhe të bashkëpunojnë me institucionet përkatëse deri në normalizimin e plotë të situatës.
(Struga Ekspres)
