Sot në Ditën e Flamurit dhe të Pavarësisë, aktivitetet për nder të 28 Nëntorit filluan me homazhe pranë varrit të dëshmorit Nuri Mazari, ku morën pjesë familjarët dhe përfaqësues të Shkollës Fillore “Nuri Mazari”.
Pas homazheve, nxënësit dhe mësimdhënësit organizuan një manifestim të veçantë, ku emocioni, krenaria dhe respekti për historinë kombëtare u shprehën në mënyrë të gjallë. Aktiviteti solli mesazhe të fuqishme për rëndësinë e sakrificës së dëshmorëve dhe përkushtimin e të rinjve ndaj vlerave të atdheut.
Në aktivitet mori pjesë edhe Faton Pollozhani, kryetar i Bashkimit Demokratik për Integrim (BDI) në Strugë, duke u bërë pjesë e përkujtimit të kësaj dite të shenjtë.
“Gëzuar 28 Nëntorin, Ditën e Flamurit dhe të Pavarësisë! Qofshim gjithmonë të bashkuar në nderim të atyre që sakrifikuan për lirinë tonë dhe në edukimin e gjeneratave të reja me dashuri për atdheun,” shkruan Faton Pollozhani.
