Shefi i Diplomacisë Osmani me kryediplomatin e Palestinës: Mbështesim krijimin e shtetit Palestinez
Shefi i Diplomacisë, Bujar Osmani sot, në kuadër të takimit të tetë rajonal të Unionit për Mesdheun, në Barcelonë ka takuar kryediplomatin e Palestinës, Riyad Al- Maliki. Lajmin e ka bërë të ditur vet ministri Osmani në rrjetin social facebook.
Postimi i plotë:
Në Barcelonë bashkëbisedova me ministrin e Jashtëm palestinez Riyad Al- Maliki të cilit i shpreha qëndrimin tonë se mbështesim krijimin e shtetit Palestinez në teritoret palestineze, shtet i cili duhet të bashkëjetojë në paqë dhe fqinjësi të mire me Izraelin. Mbështeta nevojën për vazhdimin e armëpushimit dhe lirimin e pengjeve si dhe hapjen e rrugëve për ndihma humanitare.
Dënova sulmet e 7 tetorit nga Hamasi dhe thira në armëpushim ne Gaza dhe respektim të së drejtës ndërkombëtare humanitare dhe mbrojtjen e civilëve me çdo kusht.
Pas dy ditësh do e takoj edhe ministrin e Jashtëm Izraelit për të tentuar të ulim tensionin në rajon.
