Pas lajmit se dy vajzat e mitura Anisa dhe Melisa ende nuk janë gjetur e po kërkohen, tifo-grupi shqiptarë nga Shkupi, “Shvercerat” kanë filluar aksionin dhe sonte do të dalin në kërkim të dy vajzave të mitura.
Këtë lajm e kanë publikuar vetë tifo-grupi nga ku njoftojnë se kërkimi do të nisë në orën 22:00 nga Sheshi Skenderbeu Shkup.
“I bëjmë thirrje antarëve tanë nga çdo lagje, nga çdo nëngrup, që nga ora 21:30 deri në ora 22:00 ju presim të takohemi tek Sheshi Skënderbeu, Dhe prej këtu do të dalim në kërkim te motrave tona. Kemi nevojë për ndihmën e secilit! Anisa dhe Melisa janë vajzat dhe motrat tona!”, kanë shkruar nga tifo-grupi shqiptar.
