Lufta në Ukrainë do të ndikojë negativisht në turizmin në vend. Objektet hoteliere në rivierën Ohër-Strugë janë gati nëse ka nevojë për pranimin e refugjatëve nga Ukraina, transmeton 360 Shkallë.
Kryetari i Shoqatës së Hotelierëve, Krste Blazevski, beson se situata në Ukrainë do të ndikojë jo vetëm në numrin e turistëve nga Ukraina dhe Rusia dhe vendet përreth. Sipas tij, është shumë e vështirë të përcaktohen çmime që mund të jenë tërheqëse, të bëjnë qarkullim dhe të paguajnë rrymë dhe produkte të shtrenjta, si dhe pagesa të pagave.
“Nuk mund t’i mbajmë çmimet, fuqia e çdo turisti nga çdo vend për të bërë pushime 15 deri në 20 ditë është në rënie. Ata do ta qëndronin pesë ditë, nëse do të vinin. Thirrje, gjegjësisht interesim ka pasur nga operatorë turistikë ukrainas dhe rusë, duke qenë se kemi fluturim edhe nga Rusia. Si fillim ata ishin në një nivel të mirë, por me ngjarjet tashmë nuk dihet se çfarë do të ndodhë më pas. Ne shpresojmë për një kompromis të mirë dhe sens të përbashkët me të gjitha fuqitë e mëdha, në mënyrë që ata të mund ta zgjidhin këtë sa më shpejt të jetë e mundur”, thotë Blazhevski.
Ai theksoi se hotelierët në shumë raste i kanë vënë në dispozicion objektet e tyre kur ka pasur më shumë nevojë dhe këtë do ta bëjnë tani nëse ka nevojë për akomodimin e refugjatëve.
Kryetari i Ohrit, Kiril Peçakov, theksoi se edhe Ohri është i gatshëm t’u ndihmojë refugjatëve nga Ukraina.
“Në parim, ne respektojmë integritetin territorial të Ukrainës dhe kjo duhet të zgjidhet në mënyrë paqësore përmes negociatave, sepse lufta nuk është aspak zgjidhje”, tha Peçakovi.
Kryetari i Shoqatës së Guidave Turistike “Key” nga Ohri, Kliment Naumov, informoi se në qytet kanë qenë të pranishëm turistë nga Ukraina në marrëveshje me agjencitë turistike vendore, por edhe përmes agjencive turistike në rajon.
“Le të shpresojmë që problemi të mos përshkallëzohet dhe të arrihet shpejt një armëpushim, sepse nëse ai përshkallëzohet pasojat do të ishin të paimagjinueshme. Edhe pse jemi shumë larg, do të prekemi drejtpërdrejt, pra do të kemi humbje shtesë”, shtoi Naumov.
Ndryshe, Rusia vazhdon sulmin ndaj Ukrainës edhe në ditën e katërt. Forcat ruse sot në ditën e katërt të sulmit kanë hyrë në Harkiv, qytetin e dytë më të madh të Ukrainës. Kombet e Badshkuara njoftuan se deri më tani të paktën 240 civilë janë plagosur dhe 64 janë vrarë prej shpërthimit të luftës. Mijëra persona në botë kanë marrë pjesë në protesta në mbështetje të Ukrainës.
