Policia e Maqedonisë së Veriut sot ka arrestuar 25 vjeçarin pasi u kap me 5 mijë mjete piroteknike.
“Janë konfiskuar rreth 5000 copa piroteknike dhe pas dokumentimit të rastit, atij do t’i parashtrohet parashtresë adekuate”, thuhet në njoftimin e policisë.
25 vjeçari u arrestua gjatë shitjes së mjeteve piroteknike, ndërsa ndaj tij është paralajmëruar kallëzim penal, sikurse edhe ndaj 55 vjeçarit Z.R. nga Lozova te i cili janë gjetur sot 3 mijë mjete piroteknike.
Kujtojmë se policia gjatë festave gati çdo ditë ka aksione të tilla për të parandaluar shitjen e mjeteve piroteknike që zakonisht kryhen gjatë festave të fundvitit.
