Autor: Arbër Çeliku
Kohë perverse për politikë
Flakët e Koronës tashmë e kanë kapluar keqas vendin tonë. Disa nuk ndodhen më në mesin tonë, kurse pjesa më e madhe ende po i vuajnë pasojat e këtij virusi famëkeq. Po kalojmë vërtet kohë perverse, por më perverse e bën atë paraqitja e politikanëve tanë nëpër media, të cilët edhe në kohë si kjo, nuk rreshtin të shesin gogla për dushk, teksa shumica e popullatës kush varroset pa të afermit e tyre, kush lufton me jetë nëpër spitalet e stërmbushura dhe për faqe të zezë, dhe kush po vuan në shtëpi nga skamja dhe stresi psikik nga e nesërmja e pasigurtë.
Kurse mediat tona vazhdojnë t’i ekspozojnë figurat e trishta të politikanëve, të cilët degraduan gjithçka shoqërore e publike. Nëse nuk mund të ndihmojmë, të paktën, le ta kuptojmë që është kohë perverse për të bërë politikë…
