Protagonistja kryesore e filmit “Toka e mjaltë” Hatixheja, është alivanosur gjatë eventit “Ditët e mjaltit të Maqedonisë”. Ngjarja ka ndodhur përderisa Ministri i Bujqësisë, Pylltarisë dhe Ekonomisë së Ujrave, Arjanit Hoxha ka qenë duke mbajtur fjalë rasti.
Në një prononcim për portalin mms.mk, Hatixheja falenderoi mjekët dhe ministrin Hoxha që i qëndruan afër. Ajo u shpreh se nuk ka probleme shëndetësore as me tensionin e as me sheqerin, përveç se ka qenë e uritur.
“Ju falenderoj të gjithëve që më ndihmuan, mjekëve, ministrit. Erdhën mjekët, më kontrolluan, nuk kisha problem me tensionin, as me sheqerin, përveç se isha e uritur. Tash është gjithçka në rregull”, ka deklaruar Hatixheja.
