Aleanca për Shqiptarët ka mbajtur sot Kuvendin Qendror në të cilin janë marrë disa vendime, përfshirë edhe largimin e disa prej anëtarëve të saj. Këtu bëhet fjalë kryesisht për anëtarë të kryesisë qendrore të partisë të cilët janë larguar nga vendi.
Kreu i partisë, Ziadin Sela deklaroi se ata u larguan për shkak të fenomenit ugurzi të mërgimit, të cilin e krijuan për shumë vjet partitë në pushtet. Ndërkohë, dy persona janë larguar me vetdëshirë nga strukturat e partisë që para zgjedhjeve të fundit parlamentare.
Gjatë këtij Kuvendi, fillimisht një prej pikave të rendit të ditës ka qenë edhe dorëheqja e kryetarit Ziadin Sela, por më pas është votuar për heqjen e kësaj pike. Ndërkohë, kryetari Sela ka deklaruar se partia që ai drejton po bëhet gati për sfidat e radhës dhe se është subjekti politik me rritjen më të madhe në zgjedhjet e fundit.
“Aleanca për Shqiptarët në koalicion me Alternativën do të jenë mbrojtësi kryesor i qytetarit që është oponenca e vërtetë e të gjitha shtresave të qytetarëve. Ne do të jemi luftëtarë të pakompromis të korrupsionit dhe të krimit të cilën e kemi të instaluar në nevelet më të larta të Qeverisë, ministra e zëvendësministra, drejtorë e funksionarë, të cilët gjurmët e tyre i fshein duke djegur institucionet dhe objektet që i kanë menaxhuar”, deklaroi ndër të tjera Sela. /SHENJA/
