Me interpretimin e himnit të Maqedonisë së Veriut ka nisur seanca konstitutive e Kuvendit. Përveç deputetëve, në seancë është prezent presidenti i shtetit Stevo Pendarovski, kryeministri teknik, Oliver Spasovski, përfaqësues diplomatik të shteteve të ndryshme, ish presidentët, Gjorgje Ivanov dhe Branko Cërvenkovski, përfaqësuese të bashkësive fetare, avokati i popullit, përfaqësues të gjykatave, prokurori publik, si dhe guvernatori i Bankës Popullore.
Në seancë nga gjithsej 120 deputetë, 117 janë prezent.
