Nga e hëna, 22 qershori, do të fillojnë të punojnë hotelet dhe objektet e tjera të hotelerisë për turistët. Kjo është bërë e mundur me Protokollin e miratuar nga Qeveria në seancën e 69-të të mbrëmshme, e cila i rregullon procedurat për pjesën e akomodimit në hotele, pastaj rekomandimet dhe masat për pritjen dhe akomodimin e mysafirëve, procedurat e restoranteve, përdorimin e tualeteve dhe rekomandimet për mysafirët dhe për veprimin në rast të paraqitjes së ndonjë rasti me KOVID-19.
Sipas Protokollit, është e detyrueshme mbajtja e maskës mbrojtëse për mysafirët dhe punonjësit, si dhe të ketë barrierë dezinfektuese për këpucët para derës së përparme, si dhe pikë për dezinfektim për duar në holle dhe të vendoset shenjë me tekst të kuptueshëm në hyrjen e hotelit për hapat dhe rekomandimet që duhen ndjekur gjatë qëndrimit në objekt (mbajtja e maskës mbrojtëse dhe dezinfektimi i duarve).
Parashikohet edhe pagesa me karta krediti si shkallë mbrojtëse për të zvogëluar rrezikun e transmetimit të infeksionit. Shërbimi i ushqimit në tryezë suedeze nuk lejohet, si dhe as shërbimi i mysafirëve në bare dhe në tavolina në këmbë.
Vizitorët duhet të qasen pranë recepcionit individualisht ose në numër që, në varësi të madhësisë dhe orarit së hapësirës, të parandalojnë takimet dhe të sigurojnë distancë të mjaftueshme nga njëri-tjetri dhe për ata që presin, duhet të vendosin shenja në dysheme ose karrige për kufizime. Ofruesit e shërbimeve duhet të heqin artikujt që prekin më shumë vizitorë, p.sh. lodra, revista.
Në dhomat e akomodimit dhe në recepsion vendosen mjete dezinfektuese për duart, ndërsa një mjet që vepron ndaj virusin përdoret për të ruajtur higjienën e përditshme në dhoma dhe hapësirat publike. Stafi duhet të vendos theks të veçantë në pastrimin dhe dezinfektimin e sendeve që i prekin një numër të madh i duarve (p.sh. rrethojat e shkallëve, prizat, dorezat, butonat e ashensorit).
Hapësirat duhet të ajrosen rregullisht.
Në rast të qëndrimit disaditor të mysafirëve në kapacitetin e akomodimit, pastrimi i përditshëm nga personeli është i mundur vetëm nëse mysafiri shprehimisht dëshiron.
Pagesë me kartelë kreditore si një shkallë mbrojtjeje për të zvogëluar rrezikun e transmetimit të infeksionit.
Të gjitha pajisjet pirjes (ujë, çaj, kafe, lëng, etj) duhet të hiqen nga përdorimi dhe pijet duhet të shërbehen me kërkesë të mysafirëve kur shërbejnë në tryezë. Ndalohet përdorimi i pjatave të zakonshme të hapura të përbashkëta kur shërbehen gatime, mustardë, salca, vajra, kripë, sheqerna, çajra, etj, ë cilat ndahen në më shumë tavolina.
Në rast të simptomave me KOVID-19, rekomandohet që nëse një punonjës i objektit sëmuret nga infeksion akut respirator, ai duhet të qëndrojë në shtëpi dhe të telefonojë mjekun e familjes, si dhe të informojë shefin e tij për gjendjen e tij shëndetësore. Nëse është pozitiv për KOVID-19, e informon shefin, i cili menjëherë informon qendrën rajonale për shëndet publik për paraqitjen e KOVID-19 në mesin e punonjësve.
Nëse një mysafir ka ethe ose shenja të infeksionit akut respirator, ofruesi i shërbimit duhet të telefonojë ofruesin më të afërt të kujdesit shëndetësor. Vizitori duhet të presë në izolim. Duhet të mbajë maskë. Të përdorë vetëm disa tualete dhe lavamane të caktuara. Shërbimi epidemiologjik që do ta marrë raport për rast të konfirmuar zbaton hetim epidemiologjik, identifikon kontakte të ngushta dhe duke propozuar masa për to. Lokalet ku mysafiri i sëmurë nga KOVID-19 ka lëvizur pastrohet dhe dezinfektohet plotësisht. Gjithashtu, hapësirat ajrosen plotësisht.
