Ndërprerja e sezonit në Ligën e Dytë dhe fundi i parakohshëm i sezonit do të thotë edhe fund i Klubit të Futbollit “Labunishta” dhe projektit ambicioz të pronarit Adem Nuroski. Ai në rrjetet sociale ka informuar opinionin e gjërë se do të tërhiqet nga finansimi i klubit, ndërsa dorëheqje ka dhënë drejtuesit e klubit në krye me Safet Demiroskin dhe drejtorin sportiv Ivana Leskaroska. Me largimin e drejtuesve të klubit, futbollistët do të marrin dokumentacionin e duhur dhe do të kërkojnë klube të reja futbollistike.
Skuadra e Labunishtit, ishte një ndër ekipet më të mira në Ligën e Dytë – Perëndim , duke kërkuar edhe avancim në Ligën e Parë. Ndërkohë këtë sezon arritën edhe deri në çerekfinal të Kupës, që është një ndër sukseset më të mëdha të këtij klubi.
