Java e re sjell një tjetër përllogaritje të çmimeve të derivateve të naftës në Maqedoninë e Veriut. Komisioni Rregullator për Energjetikë (KRRE) pritet që sot të marrë vendim për çmimet më të larta me pakicë të karburanteve, pas së cilës do të bëhet e ditur nëse benzina dhe nafta nga mesnata do të shtrenjtohen, do të lirohen apo do të mbeten me çmimet aktuale.
Sipas vendimit të fundit të KRRE-së, i cili zbatohet nga 3 nëntori, çmimet aktuale janë:
EUROSUPER BS-95 – 93 denarë për litër
EUROSUPER BS-98 – 95 denarë për litër
EURODIESEL – 100 denarë për litër
Vaji ekstra i lehtë për amvisëri – 110 denarë për litër.
Ndërkohë, në bursat ndërkombëtare është shënuar rënie e çmimit të naftës. Sipas të dhënave nga tregtimi i sotëm, nafta e papërpunuar e Detit të Veriut, Brent, ka shënuar rënie prej 1.5 për qind, duke arritur në 96.91 dollarë për fuçi, ndërsa nafta amerikane WTI është liruar për 1 për qind, duke zbritur në 89.85 dollarë për fuçi.
