Kompania Austrian Airlines do t’i përfundojë fluturimet sezonale mes Vjenës dhe Ohrit disa javë më herët se sa ishte planifikuar fillimisht, si dhe do ta reduktojë frekuencën e fluturimeve në gjysmën e dytë të shtatorit, njoftoi portali exyuaviation.com.
Sipas të njëjtit burim, kompania ajrore, e cila tashmë e kishte shtyrë fillimin e linjës nga 17 maji në 21 qershor, tani planifikon t’i përfundojë operimet më 27 shtator, në vend të 18 tetorit.
Nga 17 shtatori deri në fluturimin e fundit, linja do të operojë një herë në javë, në vend të dy fluturimeve në javë, siç ishte planifikuar më parë.
(Struga Ekspres)
