Kryetari i BDI-së, Ali Ahmeti, në emisionin “Click” në RTV21 tha se kur ka qeverisur, për çdo mandat ka zgjeruar të drejtat e shqiptarëve duke pasur për bazë Marrëveshjen e Ohrit.
“Dhe nuk kam shkuar duke i minimizuar të drejtat për shqiptarët. Në vazhdimësi ka shkuar përfaqësimi i drejtë nga 03%, ose 1%, sot përfaqësimi është 21%, por këta kanë denigruar se i kanë hequr edhe shqiptarët jorezidentë… Po të kishit lëvizur aty ku e lamë, do të ishte përsëri një sukses për shqiptarët, mirëpo situata ka degraduar aq shumë sa ne na duhet energji për të arritur gjendjen e shërueshme brenda RMV-së”, tha ai.
“E gjeta me zero këtë pushtet, e lashë me kryeministër shqiptar në Maqedoni, e kam lënë një dekadë kryetar të Kuvendit shqiptar, e kam lënë me ministër të Financave shqiptar, me ministër të Jashtëm shqiptar që është aorta e shtetit. Unë nuk do e kisha kërkuar këtë rezultat nga këta, por jo dhe të denigruar.”, shtoi Ahmeti.
