Struga dhe e gjithë Maqedonia e Veriut po përballen sot me një ditë tipike vere, të karakterizuar nga mot i kthjellët dhe temperatura të larta.
Në Strugë temperatura maksimale pritet të arrijë rreth 32°C, ndërsa në rajonet më të nxehta të vendit termometri do të shënojë deri në 36°C.
Sipas parashikimeve meteorologjike, moti do të mbetet i qëndrueshëm gjatë gjithë ditës, me diell dhe pa reshje shiu. Për shkak të temperaturave të larta, qytetarëve u rekomandohet të shmangin ekspozimin në diell gjatë orëve të mesditës, të konsumojnë sa më shumë lëngje dhe të tregojnë kujdes të veçantë ndaj fëmijëve, të moshuarve dhe personave me probleme shëndetësore.
Temperaturat e larta pritet të vazhdojnë edhe në ditët në vijim, duke e mbajtur vendin nën ndikimin e valës së të nxehtit.
(Struga Ekspres)
