Një punëtor nga India është dërguar me urgjencë në spital pasi u rrokullis me një kamion në autostradën Kërçovë–Ohër, e cila është në ndërtim, shkruan Struga Ekspres.
Punëtori 25-vjeçar nga India, i cili ishte i angazhuar në ndërtimin e autostradës, po drejtonte një kamion të markës “MAN” me targa të Shkupit, kur humbi kontrollin mbi mjetin dhe u rrokullis. Me automjetin e ndihmës së shpejtë ai u transportua në Spitalin e Përgjithshëm të Kërçovës. Këqyrjen në vendin e ngjarjes e kryen ekipet e policisë, ndërsa SPB Ohër, në bashkëpunim me Prokurorin Publik dhe institucionet e tjera kompetente, po punon për zbardhjen e plotë të rastit.
Pas dokumentimit të rastit do të pasojë parashtresa përkatëse, njoftojnë nga SPB Ohër.
