Mot me diell dhe temperatura të larta sot në Strugë dhe Maqedoninë e Veriut
Moti sot në Strugë do të jetë kryesisht me diell dhe i ngrohtë, me vranësira të pakta kalimtare. Temperatura maksimale pritet të arrijë rreth 29–30°C, ndërsa do të fryjë erë e lehtë nga drejtimi verior.
Në mbarë Maqedoninë e Veriut pritet mot kryesisht me diell dhe i nxehtë. Gjatë orëve të pasdites, në disa rajone malore dhe lindore mund të ketë zhvillim lokal të vranësirave me reshje të shkurtra shiu dhe bubullima.
Temperaturat maksimale në nivel vendi do të lëvizin nga 31°C deri në 38°C, ndërsa autoritetet u rekomandojnë qytetarëve të shmangin ekspozimin e zgjatur në diell gjatë orëve më të nxehta të ditës, të konsumojnë sa më shumë lëngje dhe të tregojnë kujdes të veçantë ndaj të moshuarve dhe fëmijëve.
(Struga Ekspres)
