Po nisin linjat e paralajmëruara ajrore nga Ohri drejt dy qyteteve polake me kompaninë Wizz Air.
Nga e diela, më 7 qershor, fillojnë fluturimet për në Wrocław, ndërsa nga e marta, më 9 qershor, për në Katowice. Për secilin destinacion janë planifikuar nga dy fluturime në javë.
Nga aeroporti i Ohrit, sipas orarit veror të fluturimeve, 8 kompani ajrore operojnë drejt 17 destinacioneve. Prej tyre, 14 janë destinacione të rregullta gjatë gjithë vitit ose sezonale, ndërsa 3 janë fluturime çarter.
Nga 21 qershori, Austrian Airlines ka njoftuar se do të fillojë fluturimet nga Ohri drejt Vienës, përcjell Struga Ekspres.
Skopje International Airport dhe Airport St. Paul the Apostle e përfunduan periudhën e katër muajve të parë të vitit 2026 me një rritje të fortë dhe rekord të numrit të pasagjerëve prej 32,4%, duke shërbyer gjithsej 1.202.828 pasagjerë.
Në të njëjtën periudhë, janar–prill, të dy aeroportet maqedonase realizuan gjithsej 8.123 fluturime, që paraqet një rritje vjetore prej 10,7%.
(Struga Ekspres)
