Kreu i Aleancës për Shqiptarët, Ziadin Sela ka lëshuar një thirrje publike drejtuar liderëve të partive politike parlamentare shqiptare për të rifilluar bashkëpunimin ndërmjet subjekteve politike.
“Ftoj liderët e partive parlamentare shqiptare që të thërrasin Tryezën e Përbashkët sepse kemi shumë tema të rëndësishme për të diskutuar. Po ua lë partive më të mëdha që ta ftojnë!”, theksoi Sela në një intervistë për Pollog News.
Sela theksoi nevojën urgjente për koordinim, duke u shprehur se situata aktuale kërkon një komunikim të drejtpërdrejtë mes forcave politike shqiptare në Maqedoninë e Veriut.
