Autoriteti rregullator i energjisë në Maqedoninë e Veriut – KRRE – bëri të ditur të hënën se çmimet me pakicë të karburanteve do të rriten ndjeshëm. Ky vendim vjen si pasojë e lëvizjeve të fundit në tregjet ndërkombëtare të energjisë.
Sipas vendimit më të fundit të Komisionit Rregullator për Energjetikë, pikat e furnizimit me karburant në të gjithë vendin do të zbatojnë çmimet e reja duke filluar nga mesnata.
Benzina: Çmimet e EUROSUPER BS-95 dhe EUROSUPER BS-98 do të rriten me 5 denarë për litër. Pas ndryshimit, një litër BS-95 do të shitet për 79,50 denarë, ndërsa BS-98 do të arrijë në 81,50 denarë.
Dizeli: Rritjen më të madhe e pëson nafta, e cila shtrenjtohet me 14,50 denarë për litër. Çmimi i ri i dizelit do të jetë 85,50 denarë për litër.
Vaji Ekstra i Lehtë: Edhe karburanti për ngrohje shtëpiake (EL-1) është shtrenjtuar me 12,50 denarë, duke e çuar çmimin në 82,50 denarë për litër.
