Ministri i Shëndetësisë, Venko Filipçe gjatë paraqitjes së tij të sotme theksoi se për momentin Komisioni për Sëmundje Infektive vlerëson se nuk ka nevojë për rikthimin e masave restriktive, por që nuk përjashtohet si mundësi rikthimi i kësaj mase nëse trendi i rasteve të reja me koronavirusin e ri vazhdon të rritet.
“Për momentin nuk vjen parasysh rikthimi i masave restriktive, por nuk mundem ta përjashtojë mundësinë…absolutisht. Epidemiologët mendojnë se me këtë qasje intenzive në analizën e kontakteve, testimin dhe futjen në izolim në periudhën e ardhshme do të ketë rezultat. Tani vatra është kryesisht në Shkup dhe Tetovë, më kap ka në Tetovë”, pohoi ministri Filipçe.