Policia e Çikagos ka njoftuar se nga të shtënat me armë, që kanë ndodhur sot në një spital, dyshohet se ka të vrarë dhe të plagosur.
Spitali Mercy është përgjakur nga një sulm me armë zjarri, kur sulmues ka hyrë në spital dhe ka qëlluar disa persona.
“Ka raporte për viktima të shumta”, njoftoi policia, duke mos dhënë numër apo nëse personat janë të vdekur apo të plagosur, transmeton KP.
Mediat amerikane njoftojnë se një person i dyshuar është qëlluar nga policia.
Polica ka rrethuar zonën dhe u ka bërë thirrje qytetarëve që të mos lëvizin në atë zonë, ndërsa është zbrazur spitali.
SHBA-ja po përballet më sulme të shumta ndaj civilëve, nga persona të armatosur dhe shumë organizata kanë bërë thirrje që të vihet një kontroll me i rreptë shtetëror ndaj armëve.
