Kryeministri i Maqedonisë së Veriut, Zoran Zaev, sot deklaroi se pret zgjedhje të suksesshme presidenciale dhe arritje të censusit në rrethin e dytë, në të kundërtën sipas Zaevit, do të krijohet krizë e re politike.
Ai shtoi se nëse nuk zgjedhet presidenti në këto zgjedhje do të ketë krizë të re politike dhe ftoi qytetarët të dalin në votime dhe të zgjedhin kryetarin e ardhshëm të shtetit.
Zaevi u pyet edhe nëse ka biseduar me partinë opozitare maqedonase për ndryshimin e Kushtetutës, në rast se zgjedhjet presidenciale janë të pasuksesshme, duke marrë parasysh se duhen dy të tretat e votave në Kuvend, ai tha se nuk ka biseduar për një çështje të tillë.
