Kryetari i LSDM-së, Zoran Zaev, në konferencën e sotme ka thënë se rrogat e funksionarëve do të shkurtohen.
“Të gjithë funksionarët në nivel shtetëror dhe lokal, kryeministër dhe zëvendëskryeministër, udhëheqës, gjykatës do të marrin rrogë minimale nga 14.500 denarë për muajin prill dhe maj.
E njëjta vlen për sektorin publik, administratën publike në nivel lokal dhe shtetërorë, do të marrin nga 14.500 denarë për muajin prill dhe maj. Kjo nuk vlen për mjekët, personelin mjekësore, policët dhe ushtarët të cilët ndihmojnë në ballafaqimin me koronavirusin”, ka thënë Zaev, raporton SHENJA,përcjell Struga Ekspres.
