Rrëmujë
Janë ca histori, plot dashuri,
janë ca të tjera, tmerr e neveri!
Janë ca gjëra, me lekë nuk blihen,
janë ca punë, në terezi nuk vihen!
Me stërkëmbës n’dorë kemi ca miq,
ca të tjerë të shesin, mik për fiq!
Kemi pak miq për kohë të vështira,
shumë të tjerë për punë të pështira!
Disa ju dëgjojnë e ndihmojnë,
ca ju luajnë lojë, ju mashtrojnë!
Disa të vërtetën lakuriqe tregojnë,
ca ju plandosin për toke, lëndojnë!
Bëhen vepra me shpirt e zemër,
si dashuria për të bukurën femër!
Ca të tjera plot dredhi e dreqni,
rrëmujë, lakmi, djallëzi, zili e kreni*!
Këto histori dhe sa e sa të tjera,
i ka jeta, i jetojmë si ngahera!
Por n’daçi paqen dhe rehatin,
hiqni prapësitë, hiqni inatin!
*mendjemadhësi
Nga Xhemi Hajredini
Strugë, 15 dhjetor 2019
