Një video e rrallë është publikuar në rrjetin social Facebook, ku shfaqet familja e heroit legjendar të Kosovës, Adem Jashari. Publiku në të shumtën e rasteve ka shikuar pamje të familjes me armë në dorë e duke luftuar, por këto pamje janë të rralla, për shkak se shfaqin momente gëzimi në familjen e heroit të Kosovës.
Gjithsesi, festimet me armë nuk kanë munguar as në familjen Jashari.
Siç edhe shihet në video, data e incizimit të këtyre pamjeve te familja Jashari është 4 tetori i vitit 1995, kur në Kosovë mbizotëronte paqja e brishtë.
Përveç burrave duke kërcyer, shfaqen edhe anëtarët e tjerë të familjes. Gratë dhe fëmijët të cilët po qëndronin në shtëpi.
Pamjet brenda familjes nuk janë të tëra që shfaqen në video, aty paraqiten edhe momentet e luftimeve heroike të familjes ndaj ushtrisë serbe. /GazetaExpress/
